Warajk

Il-fann iħammem waħdu fil-kantuniera

Id-darsa li għadha ttektek fil-ħanek

U l-imħadda mgħaffġa taht dahri

Jfakkruni li missni ili li għalaqt għajnejja

U rqadt u striħajt

Imma ftakart fik u f’kull ma tfisser għalija

U ddeċidejt li nippreferini hekk milli rieqed

M’hemmx kliem biex infisser...

U illum nifhem għalfejn id-dinja ttimbratni bħala miġnun

Minħabba l’mod arroganti li bih ħallejtha ddur fil-vojt

Biex imxejt warajk u warajk biss

Iva, illum nifhem għalfejn nidher stramb

Għal min qatt ma kien imbierek b’imħabba

Bħal ma konna aħna

U bi tbissima nagħder, nitħassar

Lil min ma setax jifhimni

U baqa jdur mad-dinja, fil-vojt

Bla ma qatt wasal imkien

Waqt li jien u int

Waħedna

Sibna triqtna

Flimkien

12 August 2011 at 01:52