Tal-Ħdax

Il-qilla tax-xemx 

Issajjar id-dgħajsa tal-Erwieħ

U ġġiegħel lin-naqra ta' abbati

Jiffantasizza fuq il-mewġ u l-baħar u x-xemx u r-ramel

U kultant ħin jiftakar

Li din hi l-quddies tal-ħdax

U Fr.Peter m'għandux għaġla.

Ħallih jispjega lill-kotra

Njuranta, għajjiena, rieqda

Ma tistax tifhem u temmen

Li Alla hu tabilħaqq nebbiexi

U Kristu donnu buffu tal-kummiedja

Ħalli għajnejha tingħafas bin-ngħas

U bil-kliem tqil u fit-tul

Li tant iħobb juża l-Qassis

Ħalli l'Abbati jilgħab b'subgħajh 

U jixxennaq għal-ostji fil-landa taċ-ċikkulatini

U ħalli l'Father Peter

Jidħak biċ-ċajt

Li jistgħu jifhmu biss

Hu u l-Mulej 

16 March 2012 at 18:22