Jistenna

Iż-żagħżugħ jistenna b’ħerqa liema bħalha

Li l-arloġġ jistenbaħ u jagħmel dmiru

Li l-minutiera titħarrek bi ftit aktar rieda,

Sabiex tmexxi l’ ħajja ‘l quddiem

Sakemm terġa’ turih wiċċha

U ssemmgħu leħenha

U sewwasew meta dak il-mument jasal

Iż-żagħżugħ jaqla’ l-arloġġ ċiniku minn mal-ħajt

U b’mibegħda sfiqa jfarraklu wiċċu, isabbtu taħt saqajh

Għal darba, tnejn, tlieta

B’tama fierha

Li ż-żmien jieqaf hemm

U hu jibqa’ għal dejjem

Iħares lejn wiċċha

U jisma’ leħenha

24 August 2011 at 17:01