Ma Bqajtx

U rġajt ħassejtni żagħżugħ,

Tfajjel innoċenti

B’ħajti quddiemi

U neħħejt il-pretensjonijiet kollha

Li akkumulajt maż-żmien

Qoxra ta’ suċċess proġettat

Li dejjem jitbiegħed pass iktar

U ma bqajtx pacifist

Ma bqajtx rejalist

Ma bqajtx liberali

Ma bqajtx anarkist

Ma bqajtx storbjuż

Spiċċat il-ġibda għal ismi

Il-glorifikazzjoni tal-istess

Li twassal biss għal-mewt

U ma bqajtx attivist

U ma bqajtx analitiku

U ma bqajtx soċjalist

U ma bqjatx intelletwali

U iffukajt ħsiebi fuq ix-xewqa waħdanija

Dik li nsib post fis-skiet

Fejn ma ndejjaq lil ħadd

Fejn ħadd ma jdejjaqni

Li did-dinja

U dan il-ġisem

Ma jħalluni qatt niskopri

Sakemm ikun tard wisq